Polo Parvo de Cela
Segundo se enterou Galpón de Breogán poñendo a orella nas portas o novo Sumo Sacerdote da futura Nazom Celta, Antón Losada, encargou á prestixiosa e aclamada formación musical Orquestra París de Noia a composición dun himno que inflame os espíritos patrióticos dos galegos de cara ao II Reich Galego.
A escolla realizouse despois dun duro de proceso de selección no que caeron Milladoiro, por ser pouco modernos, The Homens, por gafapastas e Xil Ríos, porque a xente pediríalle que cantase Xirarei en vez do himno. Finalmente a banda máis popular da futura Nazom Celta e a que máis gusta aos nosos maiores (antes coñecidos como vellos) comporá e interpretará a peza. Imaxina alguén Galiza sen a París?
Insistiúselles en que saian un pouco do seu estilo latino habitual e se escoren cara algo máis atlántico e telúrico. Sen embargo o máis probable, segundo os expertos, é que sexa o primeiro himno nacional en versión Reggaeton. O autor da letra sairá de entre o milleiro de poetas da terra do millón de vacas ou do binomio Superpiñeiro/Gayoso, outra parella afín aos nosos maiores.
8 Comentarios
19 Xullo, 2007 en 9:14
Unha escolla moi xusta.
Blas se mete más!!!!
19 Xullo, 2007 en 17:38
En duas palabras: magnífico. Bueno sobroume unha. Teño que recomendar esta artigo de investigación científica.
20 Xullo, 2007 en 1:47
Xenial, é xenial !!
20 Xullo, 2007 en 16:37
Ridiós, pensei que o anterior blogueiro era este Blas
http://www.parisdenoia.com/blas.htm
25 Xullo, 2007 en 22:34
pero isto é verdad???
26 Xullo, 2007 en 10:16
Tan verdade como todo o que publicamos neste blog.
27 Xullo, 2007 en 10:38
pos encantame
22 Agosto, 2007 en 0:40
Xenial.