Arquivo por autores: antonfraguas

A CONFESIÓN DE LOSADA

Por Antón Fraguas

Un comando do GdB tivo acceso a unha confesión manuscrita de Antón Losada, na que relata unha por unha todas as maldades que fixo nestes últimos anos. O texto di así:

…vencido polos restos da miña conciencia, non podo continuar por este camiño. Fun malo, moi malo, máis do que todo o mundo pensa. Pero é xa hora de me redimir. O primeiro e abandonar o goberno, deixar de asesorar ao bo de Quin, e retirarme ás profundidades de Camboya, como o Coronel Kurtz; o segundo (aquí hai un fragmento ilexible) e por último vou pasar a enumerar todas as cousas malas que fixen neste tempo, ou as que obriguei a facer a outros. En realidade, vou rematar antes se conto as maldades das que non son culpable:

Non teño nada que ver co descenso do Celta
Non lle comín a lingua a ese (foi o gato)
Nunca participei nunha discusión sobre reintegracionismo en Chuza!
En contra dos rumores iniciados en Galpón de Breogán, non son o striper galego que vai entrar de suplente en Gran Hermano
(Xa) non son directivo da SGAE
Nunca levei pantalóns piratas
Non son responsable da versión arriquitaun do himno galego que se cantou no parlamento (eu propoñía unha versión hiphop)
Non posei para a portada censurada de El Jueves
Non teño nada que ver coa desaparición de Madeleine
Non lle metín a Pereiro o virus que lle obrigou a retirarse da Volta
Non retirei a Shin-Chan da TVG
Só matei á metade da abellas de Galicia
Non lle cortei o rabo ao can de San Roque
Nunca lle quitei o asento a unha embarazada no autobús (bueno, unha vez)
Non encarguei un millón de autocolantes e camisolas coa frase “Antón Losada dáche máis, dáche por diante, e dáche por detrás

Iso é todo, o resto si, o resto fun eu

3 Comentarios

Arquivado en Losada

DEPENDENTE

20070830_quintanaenmexoeiro_03.jpg

Faise precisa a Lei de Promoción da Autonomía Persoal e Atención a Persoas en Situación de Dependencia

2 Comentarios

Arquivado en Quintana

I WANT TO BELIEVE

Por Antón Fraguas
bng.jpg

De verdade, pero ás veces costa

8 Comentarios

Arquivado en BNG

QUE VOTEN TODOS OS GALEGOS (pero todos)

Por Antónfraguas

A min paréceme moi ben que poidan votar os fillos dos emigrantes. E os seus netos. ¿Pero por que quedarse aí? ¿Por que van votar os netos e non os bisnetos? ¿E por que non os veciños dos descendentes de galegos? ¿E por que non os seus amigos?

 

Eu propoño ampliar o dereito a voto aos seguintes colectivos:

-Todos os que algunha vez comeran polbo

-Todos os que algunha vez ficaron parados nunha escaleira

-Todos os familiares de Joe Strummer: “Should I stay, or should I go” (esta é para o Leo)

-Todos os turistas madrileños que comeron unha mariscada na rúa da Franxa

-Todos os turistas madrileños que algunha vez lle dixeron a un galego: “menudo acento que tienes, eh?

-Todos os que algunha vez cantaron “Un canto a Galicia (Hey)”

-A Tom Cruise (o rianxeiro) e os seus bisnetos

-A todos os arxentinos que algunha vez contaron un chiste de galegos

¿Credes que falta alguén?

10 Comentarios

Arquivado en Voto emigrante

MARIMACHO

Por AntónFraguas

O Leblón fai estragos. E cando todos os seus coleguis de Nuevas Generaciones comezan a berrarlle a Gerardo “un chiste, un chiste“, Gerardo non se pode reprimir. E conta un chiste, coa copa na man, por suposto. Eses son os mellores. Gerardo lembrouse daquela gracia que lle contaran o outro día en Madrid. Aquel chiste sobre a ministra de Fomento.

“esixirlle a esa especie de ministro marimacho que é… ¿como se chama esta?.. Maleni… Álvarez, que é unha especie, insisto, de ministro marimacho…”

Ler aquí a noticia

Escoitar aquí o audio

5 Comentarios

Arquivado en Conde Roa

AVE, OROZCUS MAXIMUS!

Por Antón Fraguas
LÓPEZ OROZCO

Lugo vén de celebrar o Arde Lucus. E parece que a Orozco gustoulle o disfrace de emperador. Orozco sofre de absolutite, e esquece que o 27M perdeu uns cinco mil votos e máis de seis puntos porcentuais.

3 Comentarios

Arquivado en Lugo, Orozco

O QUE NINGUÉN SABE DE REGANOSA

Por Antón Fraguas

Que non, que a xente trabúcase. O de Reganosa non é un asunto económico, é unha cuestión de “seguridade nacional”. ¿Por que construíron os depósitos no interior da Ría, no canto de facelo no flamante Porto Exterior de Ferrol? (en serio, ¿para que carallo serve ese porto?). Pois a razón non ten relación co gas, nin coa soberanía enerxética de Galicia. É algo moi distinto.

Os dous depósitos agachan un segredo, que ten a súa orixe hai máis de trinta anos, cando o exército recuperou os restos dun ovni que caera na Ría de Ferrol. Na reportaxe de Antes do silencio, explican todos os detalles.

Os dous depósitos de Reganosa agachan os restos de dous Obxectos Voadores Non Identificados, que están sendo estudados por investigadores da Nasa. De aí o empeño das autoridades en deixar a Reganosa dentro da ría.

7 Comentarios

Arquivado en Ferrol, Reganosa