Arquivo por autores: medulio

Revista de Prensa. Día 1, ano 1 post Losada

 

 

 

 

 

Mi jaca... pasea y corta el viento...

TITULARES DE PRENSA DO DÍA 1, DO ANO 1, DA ERA POST-LOSALIANA.

-La Voz de Galicia:

Losada deixa o bipartito tras louvar a traxectoria empresarial e humana de Santiago Rey

-Faro de Vigo:

Antón Losada marcha da Xunta sen fixar os prazos de chegada do AVE a Vigo e da Variante de Cerdedo

-El Correo Gallego:

O socialismo coruñés de Méndez Romeu provoca a caída de Losada trala súa valente defensa da Cidade da Cultura

-El Ideal Gallego:

Paco Vázquez celebra a saída de Losada e acúsao de fomentar o exterminio do L na cidade

-La Opinión de A Coruña:

Antón Losada tamén obtivo unha participación eólica na serra do Xistral e un piso no Parrote

-Galicia Hoxe:

Losadazo (con foto de A.L. metendo o dedo no nariz)

-La Región:

Baltar ofrécelle a Losada asilo político e non descarta que lidere a reconquista do feudo alaricano

-El Progreso:

Cacharro a Losada: “Non te queixes, que en dous anos é imposible collerlle aprezo ao posto”

-El País:

O Presidente Touriño tumba a Losada logo da loita dos carteis da Vicepresidencia destapada por El País

-ABC Galicia:

Os duques de Lugo, pouco afectados pola purga ao secesionista Losada

-El Mundo:

Cae o número dous de Quintana, o máximo impulsor de levar un himno de paletos ás escolas de paletos

7 Comentarios

Arquivado en Losada, Política

As súas sufridas señorías

Por Medulio

O Parlamento está de moda, outra vez. A Cámara galega, ese lugar no que están representados todos e cada un dos habitantes da terra nai (incluidos os 26.749 que votaron en branco) volve ser o centro de atención da política autonómica.

Primeiro foron os enfados de dona Lola. Logo, a instalación de paneis solares para que o leite dos cafés das súas señorías alcance unha temperatura óptima a través de enerxía fotovoltaica. Tempo atrás, decidiron subir sensiblemente os seus emolumentos, nunha decisión que fai xustiza ao alto custo de dar palmadas na mesa, ler o xornal no Pleno, dar as costas á tribuna ou berrar cando fala o deputado de outro partido.

Pero non, o Pazo do Hórreo volve ser noticia pola posta en marcha da tan agardada Comisión de investigación sobre as causas do deterioro da Vía do Salnés, esa xuntanza de amigos destinada a coñecer por qué carallo se afundiu a estrada que vai a Sanginés e New-Port (Galpón respecta a toponimia orixinaria) trece anos despois da súa inauguración.

O caso é que, máis alá das conclusións e de Cuíña exercendo de Nazareno, o Salnés-Gate provoca certas dúbidas respecto ao funcionamento do lexislativo galaico. Se a estrada se afundiu en outubro, e os deputados decidiron que a comisión empezase a furrular en decembro, por que a comisión iniciou os seus traballos en xuño??

En rigurosa exclusiva, O Galpón está en condicións de salvarlle o cú ao Parlamento da nosa pátria, dinamitando a falsa e tendenciosa teoría de que as súas señorías viven do conto e traballan pouco tirando a case nada. Sen tapuxos. Ao gran.

Segundo puido saber GdB, os membros da comisión topáronse coas vacacións do Nadal, e á volta, iniciaron o duro traballo de decidir quen ía comparecer na mesma. Tendo en conta que os elixidos foron máis dunha veintena, e que había que decidir a orde de aparición dos mesmos, alá foi o mes de xaneiro.

En febreiro, o traballo consistiu en contactar con cada un dos elixidos. Á metade saíulles o buzón de voz, e aos outros houbo que explicarlles e convencerlles de que dixeran o que dixeran non ían ir a Teixeiro. Pero o entroido e febreiro, que ten poucos días, levaron a cousa ata marzo.

Marzo é un mes moi cargado de actividade parlamentaria. A planificación das vacacións de Semana Santa quítalle tempo aos deputados.

Abril é un mes moi cargado de actividade parlamentaria. Contarlle aos compañeiros de comisión como transcurriron as vacacións de Semana Santa quítalle tempo aos deputados.

En Maio entraron as presas. Eleccións locais por aquí. Cuiña, que di que polas tardes non pode porque ten partida de Tute. Caride imposible, déronlle hora no perruqueiro. E un longo etc…

Pero os deputados botaron contas, e pensaron que en breve chega o verán. E logo veñen as comisións sobre as causas dos incendios, a comisión sobre as causas de que o AVE non pase por Corcubión, e a comisión de investigación sobre a responsabilidade de que U2 non tocase en Galicia no Xacobeo 93.

Aí foi cando a maquinaria parlamentaria púxose ao cen por cen, demostrando o comprosimo e a importancia que lle dan os nosos políticos ao Parlamento.

Deixar un comentario

Arquivado en Bipartito, Municipais, Parlamento, PP, PSOE

Bicicletas, coche oficial xa

Por Medulio

Entre café e café, agora as nosas humildes señorías pretenden impulsar o uso da bicicleta como método de transporte habitual en Galicia, unha decisión motivada polo lixeiro retraso na chegada do AVE e o mal estado das autoestradas. O lóxico, a que si?

Non é que teña nada en contra de tan simpático instrumento de locomoción, máxime cando o virtual gañador do Tour naceu en Mos. Sen embargo, si albergo certas dúbidas respecto as posibilidades de implantación da bicicleta nas nosas vidas, excluindo o Paseo Marítimo da Coruña (onde xa existe carril bici) e outras zonas medianamente planas.

Pero quen carallo pode utilizar a bicicleta en Santiago ou en Ourense? E non só polas empinadas costas nun e noutro lado, senón tamén pola escasa chuvia que cae nesta comunidade, o anchas que son as rúas galegas ou a facilidade para deixar a bici cun candado na porta do traballo e que a volta atopes un candado. E unha nota de agradecemento.

É de supoñer que o seguinte será unha foto pola rúa do Hórreo con Dolores Villarino & friends facendo algo así…

A pregunta é… imaxinades a este, ou a esta, ou a estoutro, montados sobre unha bicicleta?? Será a fin dos coches oficiais!

3 Comentarios

Arquivado en Funcionarios, Parlamento, Política

Baltar(ín), ese home

Máis alá do ben e do mal está Clint Eastwood. E detrás del, Manuel Baltar jr. Un home feito e afeito a si mesmo, claro expoñente de como se pode chegar a ser un dos máximos expoñentes de Cefou co suor da súa fronte, currando día a día. A súa traxetoria política tense forxado no Parlamento galego e, amais, como concelleiro do potente municipioo ourensán de Os Blancos. Alí, Baltar(ín) aprendeu o que é a política, para qué vale e ata onde te pode levar.

Do seu paso por este municipio, de 1. 089 persoas e 406 vacas (datos do IGE), Baltar II quedou coa súa paixón polas cores merengues. Cousas do destino. Menos é nada.

Pero este home, tremendamente admirado por todos e cada un dos que conforman o Galpón, tamén ten un importante aprezo pola música.

Seguiremos informando…

5 Comentarios

Arquivado en Ourense, Política, Uncategorized

Facendo política sábados e domingos

Por Medulio

Xa temos falado dabondo das múltiples especies de alcalde existente nestes lares. Temos o que lle dedica misas a Franco, o que se autoinviste doutor honoris causa por unha universidade especializada en vender maquinillas de afeitar por internet… Tamén os nosos veciños contan co seu particular especime.

Pero hoxe queremos ser bos e xenerosos, como dixo Cañita Brava. Resulta que nun concello da montaña lucense hai un paisano que deixará o bastón de mando logo dunha breve pero intensa etapa como gobernante.

Calquera se pon a comprobar se unha persoa que leva 40 anos de alcalde é capaz de non mentir. Pero dende Galpón de Breogán queremos facerlle unha homenaxe a un dos poucos rexidores capaces de lle facer fotocopias aos veciños un domingo.

Ao seu favor: Esa abnegada capacidade en favor dos seus 1.914 veciños, nunha aldea na que houbo no último ano 5 nacementos, 21 enterros e unha soa voda. Foi toda a vila, por suposto.

Na súa contra: que non hai fotocopiadoras no Concello. E que o urbanismo en Cervantes todavía está un pouco lonxe do auxe marbellí e da Mariña lucense. Todo chegará…

Deixar un comentario

Arquivado en Municipais, Política

Como liberar a patria cun rotulador

Polo Medulio

O furor do Galpón de Breogán non ten límites. Por iso aparecen imitadores da nosa fórmula a prol dunha patria galega co gasóleo máis barato e as navizas de balde. A única diferencia é que aquí úsase a fina ironía e eles usan un rotulador de brocha gorda.

Polo de pronto quedan preguntas sen resolver:

Onde carallo quedou o grafiti como arma de expresión?

Están financiados por multinacionais como Bic o Staedtler?

Por que Galicia non ten unha industria potente de seu de rotuladores?

 

1 comentario

Arquivado en Catástrofes, Independentismo

A cara máis sólida do bipartito

Polo Medulio

Antón e Xosé Lois

4 Comentarios

Arquivado en Política, Surreal