O MILLO MUTANTE DE ARTEIXO

 

A pantasma do GdeB

No pasado día de Pascua, media Xxpaña non pegaba ollo polo tema ese do vestido de Belén Esteban, e máis porque Farruquito acadou o terceiro grao ( eso sí en semana santa as víctimas nas estradas descenderon ).

Pero Galicia espertaba cunha noticia preocupante e ameazadora, para o noso futuro e a nosa seguridade: Unha multinacional ianqui prepara ensaios con millo mutante, en terreos do Concello de Arteixo. Os argumentos en contra saen de diversas asociacións agrarias e ecoloxistas, que ven como unha ameaza o espallamento das sementes invasoras. As autoridades en troques suliñan, que o proxecto conta coa autorización da UE, do Goberno do Estado eo da Xunta.

Parece ser que por Touri que non hai problema, pero que íamos esperar dos sociatas si xa nos venderan co tema da OTAN. Pero que hai do socio de goberno da alcaldesa socialista de Arteixo, que se esconde detrás de Terra Galega ? ( Coñecido tamén como  TEGA ). O Galpón de Breogán está en poder de dicir, tras un ano de pescudas, ( dende as municipais do 2007 ) que tras esas folclóricas e amistosas siglas, se agochan unha serie de científicos perigosos, que pretenden crear unha raza de animais e vexetais mutantes, que sevirán pra que Galicia sexa unha inagotable festa gastronómica, e o número de turistas participantes nelas sexan infinitos. Polo tanto o que se oculta tras TEGA non é Terra galega, se non: Terrorismo Gastronómico, ou é que alguén se creu eso do “partido nacionalista que habla castellano”, composto por científicos universitarios e xente do lado máis fondo da boina. Trátase de apostar polo futuro e continuidade do noso país e costumes, vendo a crise  alimentaria, enerxética e financieira que se aveciña.

ANÁLISE POSTELECTORAL SEDE BNG

A rexencia, coa suxestión intelectual de:

Santiago sede nacional do BNG, oito da tarde do día nove, os teléfonos ferven. Paco Jorquera mira con preocupación o sondeo que ofrece a TVG, non pode nin pensar en ter uns peores resultados os do 2004, e peor inda sería unha maioría absoluta do PSOE.

Allariz oito da tarde, Anxo Quintana tras xantar mete unhas empanadas e unhas botellas de licor café do mellorciño no coche. Está convencido da boa campaña feita, e non quere saber nada do tema ata chegar a Santiago.

Nove pasadas, os primeiros resultados confirman os dous escanos que tiñan. Paco agora empeza a pedirlle a momia de Castelao para sí, que polo menos se superen o número de votos do 2004.

Nove pasadas Quintana xa está en ruta, está a escoitar o cd ese que pon “Milladoiro” pero realmente ten temas de Astarot; canta e imaxina unha apoteosis de bandeiras e “Galizas ceibes poderes populares”, celebrando os resultados historicos nestas eleccións e a próxima a victoria nas eleccións autonómicas.

Paco Jorquera xa ten todo preparado: O BNG foi a única forza que se mantivo tras a campaña máis bipartidista da historia, e o mellor de todo , será decisivo en Madrid.

Chega Quintana saúda a xente, que ten facianas alegres, e lle contan que o bloque manterá os dous deputados e que o PSOE non ten maioría absoluta.

ANÁLISE POSTELECTORAL SEDE PSOE

A Rexencia

Media noite pasada na residencia do presidente da Xunta, escoitase música clásica. Touriño no seu estudio estilo británico sentado o fondo, só a pequena luz do escritorio esta acesa,  fica sentado coas lentes na punta do nariz, non sabemos se está a leer ou está a dumir diante do “país de las tentaciones” que ten aberto enrriba da mesa. Entra Bugallo:

Bugui: Esperte, Don Emilio ! Esperte, xa están aquí os presidentes provinciais cos resultados destas eleccións.

Touri ( Soñando, ZP diante dos medios de cumunicación anuncia o novo vicepresidente económico de España: Y el nuevo vicepresidente, por su gran labor económica al frente de la Xunta es…Emilio): Que ? Ah, ah…ben, preparaches xa o “capuccino” e as pastas ? Que vaian pasando de un en un.

Bugui: Por orde alfabética coma sempre ?

Touri: A Coruña, Lugo, Ourense e Pontevedra, coma sempre.

Entran Bugui e Méndez Romeu.

Romeu: Síntoo, o PP só baixou un punto nesta provincia e nos medramos un 0,8%. E como saberá perdimos un escano por eso da perda de poboación, gañamos en Ferrol claramente, en A Coruña gañamos pero perdimos un punto e en Santiago…en Santiago, o PP nos saca 8,5 puntos.

Touri: Como, imperdoable ! Deus Bugallo es un inútil ( Touri se levanta e empeza a darlle collejas a Bugui ) Non, vales pra nada o “capuccino” está doce demáis…

Bugui ( Protexendo a testa e corredo polo despacho ): Non é culpa miña, son esos funcionarios desagradecidos…

Touri: Fóra, fóra daquí ! Non te quero ver máis ! ( O bota do despacho a collejas, Romeu agarda de pé seguindo a mirar cara o sillón de Touri )

Romeu: Pódome marchar xa ?

Touri: Primeiro que saibas que como non pasemos o PP nas autonómicas, véxoche de concellal en Arteixo…entendido ? E que Losada e Bugallo que fagan surf, aprendan a tocar a guitarra eléctrica…dame igual pero que fagan algo pra ser tan enrollados como Irisarri.

Romeu: Si ! Don Emilio, entendido, non voltará pasar…

Touri: Veña non quero verte, dille a Richi que entre.

Entra Richie Varela cunha sonrisa

Touri: Boas Richi !

Richie: Hola Touri ! ( Dous bicos como os que daba a prima do principe de Bel-air )

ANÁLISE POSTELECTORAL SEDE PP

A rexencia

( Sede do PP en Santiago media noite pasada, despacho de Núñez Feijoó:  Alfonso Rueda, Conde Roa e Feijoó conversan sobor de como viron os resultados )

Conde Roa: Ti queres limón ou laranxa ?

Rueda: Polo momento non, graciñas…pois si non subimos en ningunha provincia, pero mantivemos o tipo en A Coruña e Pontevedra fallaron Lugo e Baltar, onde o PSOE avanza a igualarse axiña o nivel da Coruña e Pontevedra.

Feijoó:Si xa… Gerardo tómate outra que telo merecido… Maldición ! E os resultados en Sada e Ponteareas ? Cales son os resultados do home do renacemento ?

Rueda: En Sada subimos o 1% e en Ponteareas prácticamente idénticos a 2004. En Ourense perdimos o único escano de Galicia, tamén e onde máis baixamos o voto con diferencia.

Feijoó:  Deus! Non me serviu de nada meter a esos dous, pero o meu veciño…ja,ja,ja…a miña vinganza está máis preto, que alguén chame a Baltar quero falar con el de contado !

Intres despois

Xenérico militante: A chamada de Ourense que agardaba.

Feijoó: Graciñas, hola Baltar…a que non eres Baltar…( tapando o teléfono se dirixe o resto ) Di que é Celso Delgado, quen é Celso Delgado ?

Rueda: O número 1 por Ourense.

Feijoó: Ah ! ben ( volta atender o teléfono ) Si, si non pasa nada…esperemos que o fagas mellor a próxima, pero non está Baltar por ahí ? Ben… bueno… moitas grazas.

Conde Roa ( Cantando coa melodia do PP ): Mariá, mariá, mariánoRajooooi…mariá, mariá, marianoRajoooooooi…ma-ria-no-ra-jooooi.

Rueda: Que di Baltar ?

Feijoó: Non falei con Baltar… díxome o tal Celso, que lle dixo Baltar, que me contara que se lle tiña algo que dicir a Baltar, que llo conte a Louzán e que este llo conte a Crespo, que seguro o felicita por ter o 48% dos votos.

Rueda: Deus ! Cando deixaran de levar as boinas, ben e agora como presentamos os resultados ? Dicimos que gañamos coma sempre, porque somos o partido que ten máis votos ?

Feijoó agacha a testa reflexivamente e repasa o seu cabelo coa man cara atrás.

Feijoó: Si…pero non o faremos tan mal coma a vez pasada, xa sei que facer esta vez !

QUEN IMOS VOTAR

O negro do GdeB

O Galpón de Breogán actuará desta vez coma servizo público, co obxetivo de que coñezamos mellor os candidatos as eleccións xerais de cada unha das nosas provincias nestes días de reflexión:

A CORUÑA

 O número 1 pola provincia da Coruña é este home con aspecto de Papa Noel, con pinta de non matar unha mosca na vida ( como moito unhas lagostas e centolos vivos nalgún restaurante ); e o único que sei del é que foi portavoz do PP no grupo municipal da Coruña en pleno “Paco Vazquismo” ( un traballo da ostia ), e que parece ser que repite. Pero…este home encabezando a lista só se trata dunha maniobra perfeutamente estudada por Rajoy, para non ser eclipsado a súa volta a Galicia trala súa previsible derrota. Porque de número 2 temos unha das grandes inspiracións do GdeB e Galicia enteira: O católico maoísta e campión de natación Conde Roa; todo coma premio o seu éxito nas pasadas municipais onde acadou algo impensable ata agora, superar a grandes dinosauros da política como Bugallo e Néstor Rego. Pero o número 3 tamén e alguén que pode ameazar ese liderato a Rajoy, e se trata do home ese con pinta de director de banca, que era delegado do goberno na catástrofe dos “hilillos de plashtilina”: Fernández de Mesa, todo un exemplo de reconversión do naval de Ferrol de enxeñeiro a deputado. Nunca máis esqueceremos o seu engominado cabelo cano, e máis a súa cara de poker cando explicaba o seu carón algún Ministro iluminado que o tema “estaba controlado”… esos whiskis na praza de María Pita tíñalos merecidos sí Señor ! Tamén volta o PP nestas listas o famoso alcalde franquista de Sada, “Moncho es Mucho”, futuro substituto natural de Martínez Pujalte ?

Se nesta provincia o PP presenta 2 ases agochados tras unha J, o PSOE se xoga todo a unha carta: O Ministro de Cultura César Antonio Molina, melena salvaxe e mirada de conquistador ( algunha señora vaise a trabucar ) que é un posto moi importante nun estado tan cultural coma España, e por eso sempre estiveron os mellores nel (  bueno o segundo non foi ministro pero se o PP ou o PSOE nomeárano, que importaría ? ):

De número 1 pola provincia non repetirá desta vez Francisco Rodríguez, o líder na sombra da UPG, no seu lugar presentarase a sombra do líder na sombra: Fracisco Jorquera. No é de estrañar que propuxesen cambiar o uso horario galego, non ven mal un pouco de luz con tantas sombras.

LUGO

De número 1 por Lugo temos como no caso de Coruña, o actual portavoz do grupo municipal do Concello e ex-alcalde. Que pinta de bó rapaz parece o irmán bo de Jose Luis Moreno ! Pero o dato importante aquí é que o ex-aspirante a Delfín de Fraga, Barreiro presentase de número 1 o Senado seguindo así os pasos do seu predecesor Cacharro Pardo, o comezo da reconquista ? Ou é que se vota a correr do PPdeG ?

O primeiro da clase do PSOE en Lugo é de sobra coñecido: Pepiño Blanco, home empregado pra os chistes de media España e… que é o peor, ata Acebes faille chistes sobor da súa intelixencia. Pero hai que rendirse os feitos, este home fixo que todo Lugo cambiase de relixión en 4 anos, que lles dará el e o seu representante local Richi Varela?

O MELLOR DO debatiño.

A Pantasma do GdeB

Este pasado mércores 27 de Febreiro, puidemos ver por primeira vez os líderes das 3 forzas políticas maioritarias de Galicia nun debate. Cun plató feito para ocasión (non como Fraga e Presedo que parecía que fixeran o debate no cuarto das basoiras da Telegaita) no claustro dun convento desos que hai en Santiago, e que non sei como se chama porque sempre que estou ahí é de noite. E no que os nosos líderes parecían máis ben que ían a participar nun concurso máis que nun debate, que conducía o outrora ”muso fubolístico” da TVG Alfonso Hermida:

PRESENTACIÓN (Touri e Feijóo mirandose fíxamente, Quin como Forrest Gump esperando na parada do bus).

Hermida: Hoxe encheme de satisfacción e así o expresa a miña cara, presentar este debate histórico como non se vira dende o xuício a  Xesucristo no Sanedrín, ou cando  Xulio César cruzara o Rubicón.

Touri: Gustaríame saudar as familias víctimas da violencia de xénero, inda que sei que non me está a ver ningunha, pero sempre está ben para seguir contando co voto das mulleres que están máis fortes, e máis “rebustas” que fai 4 anos en Galicia.

Quin: Por fin vou sair na TVG e me vai ver alguén ! Eu tamén quero sacar votos entre as mulleres, e teño decir que se o BNG é decisivo en “Madrí ” enseñaremos a España enteira a tratar as mulleres como se merece.

Feijóo: Eu tamén quero saudalas familias nestes duros momentos, tamén a familia do garda civil morto no noso mar…pero tamén as nenas afectadas polo aceite de colza, as nenas víctimas da catástrofe de Chernovil, as nenas falecidas no Apolo XIII…

ECONOMÍA

Touri: Galicia vai de “puta madre” gracias a que gobernamos os socialistas, inda que recoñezo que hai unha crisis mundial, pero eso é tamén porque non goberno o Mundo. Quen ides traer para amañar o tema Sr. Feijóo: Aaaa…Pizarro ! Eseeeee… Que se levou todo o que puido de Endesa ?

Feijóo: Eso non é así  Sr. Touriño e sabeo, o primeiro pra amañar un problema e recoñecer que existe: Os datos din que o ano pasado pecharon mil empresas, a xente pide créditos pra mercar leite en Galicia e hipotecou por segunda vez a casa do can…

Quin: Pois eu xa que non me facedes caso non vos vou a facer caso a ningún dos dous…Ala ! Eso é o que deberían de facer tódolos galegos, e ter enconta que o BNG é único que defenderá o benestar de todos nós…e non ten que ver con que eu sexa o conselleiro do ramo.

O CASTRISMO

A Rexencia ( Musiquiña pro texto*)

Os castros segundo a definición de López Cuevillas (1954) son “ recintos fortificados, de forma oval ou circular, provisto dun ou varios muros concéntricos, precedidos xeralmente do seu corresponde foxo , e situados, os máis deles, no cume de outeiros ou montañas”. O castro é polo tanto un espazo defensivo, como testemuña a presenza de muros e foxos pero tamén un lugar de residencia, o primeiro tipo de arquitectura estable de tipo doméstico e non funerario que existiu na historia de Galicia.

Entón o castrismo, non é outra cousa que a forma de vida dos castros, esta forma de vida nada en Galicia se caracteriza polo carácter defensivo e pechado das súas sociedas. Antigamente os castristas se subían o máis alto dun monte e facían uns muros do mellor xeito que podían para dende ahí destruir o inimigo imperialista, pero xa a mediados do século XX viron as posibilidades que podía ter crear as súas sociedades nunha illa, xa que logo os meirandes castros tiñan foxos con auga; e inda máis adiante as que podía dar un urbanismo salvaxe e sen senso, como estructura defensiva contra os de fóra como no caso de Ponteareas que foron do castro os Castro.               

Outra das carácteristicas importante é que se trata de sociedades tribais e guerreiras, gobernadadas por os chamados xefes o líderes que normalmente se escollen entre os máis vellos é expertos.     

                                                                                                        

AO ABORDAXE !

A pantasma do GdeB

Os nosos Bancos galegos, esos nos que todalas familias temos un primo traballando que non se sabía para que valía, ata que apareceu un día de traxe nunha cea familiar falando de plans de pensións ( Se se non o tedes ese primo quere decir que a vosa familia lle falta “glamour”, polo que é moi probable que teñades que emigrar ).

E as nosas Caixas ( Menos a rural de Lugo que é de auga doce ) que se distinguen dos bancos, en que ademáis de ese primo é moi probable que estivera o tío, e o tío-avó traballando nelas antes, e que teñen unha cousa que se chama “obra social”. Consistente en pagar unha serie de actos culturais, que se desenrolan normalmente na parte de Galiza que teñen menos clientes, e que os levan acabo os outros primos, pero neste caso en troques de estudar empresariales estudaron belas artes ou teñen unha banda folk.

Ambalas dúas decidiron, como se pode ver aqui, invertir os beneficios do saqueo que fixeron en terra, grazas os préstamos e hipotecas feitas estes anos; e se botarán o mar da mesma forma que Erik o Bermello, ou o propio Breogán, ou como a Crimson permanent assurance fixera xa fai anos. Pero esto xa se vía vir despois de tanto tempo patrocinando “reeghatass”, e cursos de capitán deportivo para directivo, só lle faltaba crear unha flota e hai entran os nosos asteleiros e Mar Flores…digo Fernández Tapias.( Que é un tipo importante inda que teña nome de chapuzas a domicilio ).

UN PASO CARA ATRÁS DO EXPANSIONISMO GALEGO

A rexencia

O pasado 11 de Febreiro os homes sen compromiso do pequeno concello lugués de Cervantes, todo un concello do século de ouro,  quedaron sen caravana de mulleres e Super Piñeiro sen o seu futurible premio “pulitzer” co programa “reallity” que tiña preparado pra deleitar a súa parroquia.

Segundo contaba Fernanda Follana (si… que pasa ! ) neste xornal: No pobo non se falaba doutra cousa, o propio alcalde do PSOE ía a participar na actividade xa que el se atopaba entre os “homes sen compromiso do lugar” e xa tiña acondicionado o polideportivo do pobo pra un recibimento gastronómico como se merece co seu conseguinte baile.

IÑORANTES, FÉRIDOS, DUROS, IMBÉCILES E ESCUROS ( no obelisco da Coruña entrada de balde )

 A Rexencia

Este venres oito os amigos da “Mesa por la libertad linguística”, a mesma xente que pedía sinaturas para que se dera relixión nas escolas, e agora as pide para que os seus fillos non lle dea por falarlles en galego na casa. Tiveron unha concentración: 150 homes e mulleres no obelisco da Coruña supostamente pola defensa do bilingüismo en Galiza que berraban: ! Viva España ¡, ! Libertad, libertad ¡ ( Berros relacionados de sempre coa defensa do bilingüismo e que últimamente van moi unidos ). E  doutro lado 200 xóvenes nacionalistas e independentistas xuntados polo boca a boca: ¡ Galiza en galego !, ¡ A cultura é a nosa alma ! ( Aquí se nota que a superioridade literaria nacionalista ).

Todo isto segundo un diario en castelán editado na Coruña, que supoño non será sospeitoso de estar influido por esa nacionalización a fume de carozo que está a suceder no país, pola influencia do BNG sobor da Xunta e da que me chegaron novas dela dende fóra de Galiza. Porque parece ser que nós estamos tan alienados que non nos dimos de conta segundo decía outro diario Madrileño,  ( donos italianos ) que aseguraba iso. Todo por mor de que decatáronse este vrao, esos avezados periodistas despois de 130 anos , de que o Himno de Galiza fala dos que non coñecen o galego coma “iñorantes e féridos e duros, imbéciles e escuros”, claro… como en tódolos concellos estaba a bandeira de España non tiñan outro tema mellor. Agora se entende as explicacións que tivo que dar Quintana en Madrid ante o xentío escandalizado da batasunación galega liderada por este enfermeiro de Allariz !

11 Comments

Filed under Moda, lingua