Arquivos mensuais: Xuño 2007

Alcoholismo

Alcoholismo-Ola chámome Emilio e son alcohólico.

Ola Emilio!

-Aínda que sempre fun un tipo gris e aburrido nunca abusei do alcohol coa intención de resultar un chisco menos insípido. E iso que o meu traballo consiste, basicamente, en realizar funcións de animador sociocultural acudindo a diversos actos sociais. Aí xa se sabe corre ao viño… Pero a miña sosez sempre me mantivo apartado do sórdido pozo do alcoholismo.

Sen embargo recentemente tiven problemas cun socio. Mentímonos tanto e dicimos unha cantidade tal de tonterías no día a día que chegou o momento de negociar o pacto local e claro, a comunicación era nula. Así que o meu socio vai e di “Oes eu tiven un bar e sei ben o que fai falla para falar con soltura”. Dito isto comezou a pedir botellas e botellas de viño que ían minguando a medida que decidíamos o futuro de A Coruña, Lugo, Pontevedra… Máis ou menos a copa por concello. E son uns 150 polo que xa vos imaxinades.

Tal como íamos xa pasamos de discutir sobre a Deputación da Coruña ( quedaba como estaba total!) e cando tocou a Deputación de Lugo íamos como preas. Empezamos a dicir que para que facía falla tanta deputación, que non era máis que un comedeiro de cartos e que había que limitar o seu uso.

Cando levantamos a cabeza vimos que o camareiro era Cacharro Pardo. “Cona, que fas aquí?”. E respondeunos: “Dáme a impresión de que vou ter que buscar un novo traballo”.

E vai o moi desgraciado e non só non se pon a buscar traballo, fastidiando as estatísticas de Richi Varela, senón que vai e o conta. Non é isto o que máis me preocupa seón a sensación de que vou ter que estar baixo os efectos do alcohol para aceptar certas imaxes que arrastra este pacto local.

Deixar un comentario

Arquivado en Municipais, Quintana, Touriño, Uncategorized

AVE, OROZCUS MAXIMUS!

Por Antón Fraguas
LÓPEZ OROZCO

Lugo vén de celebrar o Arde Lucus. E parece que a Orozco gustoulle o disfrace de emperador. Orozco sofre de absolutite, e esquece que o 27M perdeu uns cinco mil votos e máis de seis puntos porcentuais.

3 Comentarios

Arquivado en Lugo, Orozco

O padriño e mailo herdeiro

Por Frouxeira

Titulares tremedistas!

Baltar admite que chegou a hora de preparar o seu “relevo”

Baltar comeza a falar da súa retirada

Estase achegando a fin do baltarismo ourensá?

“Hai que estar ás duras e ás maduras. Se o PP houbera tido a Xunta nestas últimas eleccións eu non tería participado nas municipais”

Unhas municipais sen Baltar??? Sacrilexio!

Ante semellantes declaracións do Home do Renacemento (nótese o seu elegante emprego dos tempos compostos) queda ben claro o esforzo sobrehumano que tivo que realizar polo ben do Partido. Pero que pasaría se…

“Se o PP gaña as xerais e autonómicas, aproveitaría a ocasión para deixar o partido. Colaboraría para botar unha man pero preferiría que fose outra persoa”.

Baltar xubilado!!! Incríbel! Ante semellante declaración de intencións inda vai ser certa toda esa leria da Galiza do cambio… Pero… quen será o seu único e lexítimo herdeiro? O fillísimo blogueiro? Ou o seu novo fillo político?

“Cada día estou máis enganchado por el, porque é un fóra de serie. (…) O único que ten que facer agora é gañar o apoio da provincia”.

Definitivamente, Poli vai ser o vicepresidente da Deputación Provincial de Ourense por designación baltarista. O non-alcalde da Cidade das Burgas aprenderá o seu futuro oficio á beira xusto do seu valedor. Un posto de privilexio que moitos envexarían…

Un día cheguará este anunciado traspaso de poderes e entón… a que se vai adicar Baltar unha vez lonxe do Pazo Provincial?

Semella que a xente non sabe ler entre liñas. Baltar anuncia a súa retirada da política municipal para a vindeira lexislatura… porque daquela será o PRESIDENTE DA XUNTA POLO PARTIDO POPULAR!!! Feijoo ten motivos de sobra para temer a carraxe do pequeno timonel ourensá. Vai polo seu cargo…

Deixar un comentario

Arquivado en "Poli" Nóvoa, Baltar, Ourense, Política, PP

Piratas do Carallo

por Medulio
Piratas do Carallo

Deixar un comentario

Arquivado en Feijóo, Quintana, Touriño

O que Antón quere dicir

por Viriato

Santiago de Compostela. Rúa de Viena, 1. Adscripción permanente da Fiscalía.
Antón Losada Trabada, Secretario Xeral da Vicepresidencia para o Lado Escuro da Forza, o home que solta todas as machadas que Quintana non se atreve a dicir, ten unha cita coa xustiza por un quítame dala eses carteis. Antes de decidir cantas décadas de cárcere reclama, o Fiscal Anónimo tómalle declaración ó señor Losada. Porén, debido ás dificultades de comunicación do máis famoso secretario, a Vicepresidencia viuse obrigada a facilitar un intérprete.

Fiscal: Ben, señor Losada, entón ¿Cal é a súa versión dos feitos?
Antón Losada: Grroar. ¡Puto Méndez Romeu! ¡Puto El País! Grrar, groar. ¡Matar!
Anxo Quintana: O que Antón quere dicir, é que houbo un malentendido entre departamentos da Xunta, un pequeno fallo de protocolo, unha minucia…
Fiscal: Pero explíquese, home…
Losada: ¡Fillos de puta! ¡ARRRGGHH! ¡FURIOSO!
Quin: O que Antón quere dicir é que a Consellería de Presidencia decidiu, acertadamente, renovar os carteis das dependencias de San Caetano, que aínda seguían como cando Fraga, pero esqueceuse, equivocadamente, de avisar ós departamentos afectados. Antón entende a necesidade do cambio(¡Galiza precisa cambio!) pero sentiu que se menoscababa a súa autoridade.
Losada: ¡FURIOSOOOOO!
Fiscal: Non berre, por favor. ¿É certo que agrediu ó subdirector xeral de Contratación, Pedro Vila?
Losada: Gñijjjj, ¡Como o vexa o esfolo! ¡Groar!
Quin: O que Antón quere dicir é que tivo un lixeiro desencontro verbal co subdirector xeral Vila, pero a Vicepresidencia xa lle remitíu unha desculpa por escrito.
Fiscal: Hmmm… Hai testemuños de que se enfrontou á Policía Autonómica, que foi mediar no conflito, e que insultou a varios axentes.
Losada: ¡Pola cona, que metan o cartel pola cona!
Quin: O que Antón quere dicir é que iso é falso. El, como cargo público, é absolutamente respectuoso coas forzas e corpos de seguridade. O único que fixo foi poñer en dúbida a necesidade de que a Policía Autonómica, avisada por algún funcionario con exceso de celo, mediase nun asunto tan nimio.
Fiscal: Xa vexo, xa… Unha última cousa ¿Recoñece que raspou e danou os carteis colocados?
Losada: ¡BRAAAGHH! ¡Raspeinos coa punta da PO…!
Quin: … oqueAntónqueredicir é que, lamentablemente, algúns carteis resultaron danados. Pide desculpas por tan lamentable accidente e comprométese a pagalos do seu peto.
Losada: ¡COA PUNTA DA PO…!
Fiscal: …sibuenovale… err. Grazas pola súa colaboración. Comuncareilles a miña decisión en canto a teña tomada.
Losada: Groar
Quin: Antón e máis eu estámoslle moi agradecidos, señor fiscal.

Losada e Quin abandonan a sala. O fiscal despídeos e achégase a parede do fondo, onde aparta unhas cortinas e abre unha porta agachada tras elas. No cuarto escondido está Xosé Luis Méndez Romeu, acariñando a un gato persa.
Fiscal: ¿Vostede que opina, señor conselleiro?
Romeu: ¡BWA-HA-HA! ¡Encántame velos sufrir!
Fiscal: Si, si, pero ¿e a denuncia?
Romeu: Bo, iso é o de menos, o importante é que sufran ¡BWA-HA-HA!
Fiscal: ¿Entón?
Romeu: Impútalle unha falta de desobediencia e listo. Que perdan o tempo, pero que non haxa unha crise de goberno. Non me gustan as crises no meu goberno.
Fiscal: Si, señor.

3 Comentarios

Arquivado en Bipartito, Losada

Onde van despois de perder as eleccións?

Polo Parvo de Cela

O próximo sábado novos alcaldes e alcaldesas tomarán os seus bastóns de mando e poderán impoñer a súa sinatura nos bandos municipais. A pesar do éxito do PPdG nestas eleccións os rexidores locais van ser menos populares que antes conservando o seu poder nas zonas menos poboadas e máis pobres de Galicia. Recorrendo a un tópico literario ao que se acolleu con éxito o autor institucional (por iso de que hai que lelo na secundaria) Jorge Manrique: Ubi sunt? ou máis ben un Ubi estarán?

Armando BlancoPreocúpame o futuro de superclásicos como Armando Blanco, o rei das tortillas. Disque vai volver ao seu posto de funcionario pero… estarán as tortillas amargas polas súas bágoas? Reciclarase como representantes de estrelas da talla do Fary.

Outra que me inqueda é Corina. Vina demasiada feliz na noite electoral cando todos os que non lemos o periódico do revés sabíamos que serlle alcaldesa íalle ser difícil. Traizoouna o seu bo corazón pensando que Santi Domínguez ía ser distinto?

Para a reflexión tamén é o que acontece en Toques. Se o pacto contranatura vai para adiante o actual rexidor podería ter demasiado tempo libre e liberdade de movementos para molestar a rapaciñas de fóra do seu contorno municipal. Mellor que quede en Toques que é pequeniño e hai pouca menor.

E non me olvido por suposto de Conde Roa. Diralle alguén que realmente perdeu as eleccións aínda que só gañara un concelleiro respecto a Dosi. Menos mal que a noria das Festas da Ascensión non está xa que se non temía unha tolería…

Así e todo dada a apabullante derrota electoral do bipartito nos comicios locais e a situación de inseguridade creada pola perigosa actividade dos Criadores de Porco Celta penso que o máis sensato é pedir eleccións anticipadas dada a situación de caos aínda que os portugueses digan o contrario.

4 Comentarios

Arquivado en Municipais

O QUE NINGUÉN SABE DE REGANOSA

Por Antón Fraguas

Que non, que a xente trabúcase. O de Reganosa non é un asunto económico, é unha cuestión de “seguridade nacional”. ¿Por que construíron os depósitos no interior da Ría, no canto de facelo no flamante Porto Exterior de Ferrol? (en serio, ¿para que carallo serve ese porto?). Pois a razón non ten relación co gas, nin coa soberanía enerxética de Galicia. É algo moi distinto.

Os dous depósitos agachan un segredo, que ten a súa orixe hai máis de trinta anos, cando o exército recuperou os restos dun ovni que caera na Ría de Ferrol. Na reportaxe de Antes do silencio, explican todos os detalles.

Os dous depósitos de Reganosa agachan os restos de dous Obxectos Voadores Non Identificados, que están sendo estudados por investigadores da Nasa. De aí o empeño das autoridades en deixar a Reganosa dentro da ría.

7 Comentarios

Arquivado en Ferrol, Reganosa

Pactar… ou non pactar

Por Frouxeira

Un intre de lecer no despacho de Alberto Núñez Feijoo. O Presidente dos populares galegos entretense cunha inocente lectura do coñecido xornal humorístico Libertad Digital. O descanso do guerreiro…

… mais… nunha destas… de súpeto…

… entra o mesmísimo José Luis Baltar!!!

O Home do Renacemento Irrompe no seu despacho conxestionado, afónico. Pero vén en son de paz. Trae unha mensaxe pragmática:

– Alberto, temos que pactar.

– Pactar? Pero… José Luis, eu cría que o noso xa estaba amañado, que nos estabamos levando ben… Que é o que pasa?

– Entre nós, non, paspán. Pactar con outros.

– Outros?

– Si, claro, temos que ser prácticos. Somos o partido máis votado en 225 concellos, e agora resulta que só imos gobernar en pouco máis de 150 se os do bipartito se volven poñer de acordo. Hai que intervir! Temos que negociar nós tamén!

– Ben, claro, xa estamos tentando convencer a Jesús Ares para que deixe a alcaldía de Toques ao seu segundo, así pactamos con Xuntos Cara o Progreso de Toques e logo os reincorporamos ao partido – (Silencio baltariano. A explicación non semella compracelo) – E tamén estamos falando con Nava Castro, a da Unidade Condado Paradanta, tentando convencela de que esqueza todas esas liortas que tiña co noso Salvador Solla á hora de darlle a alcaldía de Ponteareas. Estamos negociando, non?

– Alberto, iso non vai chegar. Hai que pactar cun pouco máis de ambición. Temos que fender o bipartito! – (Feijoo fica pampo uns segundos. Cando vai dicir algo, Baltar interrómpeo) – Non vas falar cos da Radio Galega? Pois dílles que Cori e Poli teñen as portas abertas para falar cos do BNG

– (Feijoo, indignadísimo) CO BNG?!?

– Si, oh, co BNG. Non vas querer pactar con Touriño, ou? Digo eu que algo teremos en común con eles, non? Eu que sei… os dous somos galeguistas, por exemplo. E se non chega haberá que buscar máis cousas en común. Vas darlle aos socialistas as alcaldías de Vigo e de Ourense cando case tiñamos a maioría?

– PACTAR CO BNG?!? (Feijoo segue algo alterado ante semellante idea)

– E tamén podemos negociar co Bloque en Santiago e en Pontevedra. En todos os concellos nos que sexamos os máis votados! Temos que manter todas as alcaldías que poidamos. Se non, onde vas meter a toda a xente que está traballando alí? Deixámoslle aos do Bloque as concellerías de cultura e de benestar social e nós ficamos coa alcaldía, urbanismo, facenda e vías e obras. Logo, dentro de catro anos, quizais xa non precisemos deles.

– Non-no-no-no. Escoita José Luis, ISO NUNCA, entendes? Mentres eu estea aquí iso non vai a …

– Alberto, home, faime caso que eu disto sei bastante. Pacta con quen poidas, e segue no poder. Diso vai a política. Eu cumprín. Teño o 47% dos votos da miña provincia. Sete puntos por riba do que ti sacaches en toda Galicia, que non chegas ao 40%. Alberto, non me fagas chegar ás bravas. Sabes que se eu marcho, marchan os votos comigo…

– José Luis, amenazas, non. Outra vez, non. Dixemos que nos iamos levar ben…

– Faime caso, Alberto, senón vas ter a centos de militantes pedíndoche esmola á porta do despacho. O de Vigo ou Ourense igual non funciona, pero proba cando menos a pactar en Toques, como proba de boa vontade…

– E darlle a alcaldía ao PSOE?

– Por algo se empeza. Ás veces hai que ceder. Ti amosa a túa “disposición para o diálogo permanente” cos do Bloque na entrevista, que a xente vexa que por nós non vai quedar. Pensa nas alcaldías, e no dano que lle farías a Touriño. Queres ser o líder da oposición toda a vida?

O Home do Renacemento eclípsase. Non precisa máis verbas para defender a súa vontade. Deixa a Feijoo no despacho, matinando no que debe facer… Pactar… ou non pactar, esa é a cuestión. Xa lle tarda que Mariano gañe en Madrí e o leve para aló como Ministro…

Deixar un comentario

Arquivado en Feijóo, Municipais, Política, PP, Toques

Negociación

por Viriato

Nun furancho, no máis profundo de Cotobade, as dúas mans dereitas dos dous maiores líderes de Galicia discuten amigablemente, ante unha bandexa de churrasco, sobre como repatirse o poder que o pobo lles outorgou nas municipais ¿Zanco ou peituga?

Richi Varela.…entón de acordo, no próximo videoxogo que faga Orozco, Lage aparecerá como ‘sidekick’ e reservarémoslle os elementos humorísticos da trama.
P.J. Caselas
.- Vale ¿E xa mandástedes a Javi Losada ó campo de reeducación na Arnoia?
R.V.
Coido que ben. Os últimos informes dicían que xa tiña dominado o de aturuxar.
P.J.
Ben. O de Ourense xa está feito, ¿no?
R.V.
Seica.
P.J.
E en Pontevedra, será todo coma sempre.
R.V.
Coma sempre.
P.J.
E o mesmo en Santiago.
R.V.
O mesmo si, Bugallo e Rego seguen a ser igual de aburridos.
P.J.
E en Vigo…
R.V.
¿En Vigo que?
P.J.
Non vai volver pasar… o da outra vez ¿Verdade?
R.V.
Verdade.
P.J.Nin de coña.
R.V.
En absoluto…
P.J.
Em…
R.V.
Em…
P.J.
E na Coruña, máis Moreda
R.V.
Máis Moreda.
P.J.
– … ¿A quen ides poñer na Deputación de Lugo?
R.V.
¡Cona!
P.J.
¿Que?
R.V.-
¿Nunca te pasou iso de que vas ó super a mercar para facer chícharos con xamón, e cando chegas a casa, daste de conta de que esqueciches os chícharos?
P.J.-
¿É dicir?
R.V.-
… que non aínda non temos a ninguén para a Deputación de Lugo, un ten tantas cousas na cabeza… Os camiños de Cacharro son inescrutables, porque non pensabamos gañar alí nin de coña…
P.J.-
Xa, pero en Pontevedra si ¿non?
R.V.-
Non me fales, ¡vaia disgusto que ten o Antón Louro, o pobre! Seica cando rematou o reconto de deputados provinciais na Estrada, Louzan chamouno ó mobil e comezou a cantarlle Shake your booty. Dende aquela anda a antidepresivos.
P.J.
Veña, que xa estamos case sen churrasco. So queda unha cousa por pactar…
R.V.
¡O REPARTO DE COMPETENCIAS!
P.J.
¡O REPARTO DE COMPETENCIAS!
*RAIOS E TRONOS*
BROOO
R.V.
Ben, en xeral, estamos dispostos a darvos calquera concellería…
P.J.
¡Queremos a de urbanismo nun de cada tres concellos!
R.V.
… agás a de urbanismo.
P.J.
¡Ei!
R.V.
Nada, nada, a alcaldía e o urbanismo, para o máis votado.
P.J.
¡Queremos facer os nosos PXOM’s!
R.V.
Todo o mundo quere facer un PXOM, pero só algúns poden.
P.J.
Mira, estou disposto a aceptar o urbanismo nun de cada catro concellos.
R.V.
Non. ¿E que non vos chega con tela nas 30 vilas onde sodes os máis votados?
P.J.
E que dende Cabanas e Foz, non nos fiamos de vos nin un chisco.
R.V.-
Pois vaia.
P.J.-
Pois vaia.
R.V.-
Terei que consultar con Touri.
P.J.-
E eu con Quin.
R.V.-
Doutra será. Para a próxima escollo eu o sitio.
P.J.
Vale, pero paga ti a comida, señor conselleiro.

Deixar un comentario

Arquivado en Bipartito, BNG, PSOE