É o PPdeG un partido corrupto?

O “bon vivant” do GdeB

Namentres a fiscalía xeral do estado está a configurar un sumario de 50.000 folios, onde mostrase polo miúdo unha trama político-empresarial con raíces galegas, no que temos ameazas, sobornos, chantaxes, corrupción urbanística e tráfico de diamantes de sangue… Todo seguindo os canons da nova forma de crear riqueza da era “neocon”, que tántos beneficios trouxo a todo o mundo.  A Telegaita non podía durmir polas noites e polas tardes porque A Coruña ten mal posto o artigo.

Pero é o PPdeG un partido corrupto ? E se o é, é máis que os outros ? Porque lendo algún xornal non é que sea corrupto, o que pasou e que Fraga e Feijóo salvaronnos dos corruptos “españoles”.  Este e outras cuestión son as que se destilan na nosa ceibe e independente prensa:

Empalar independentistas !

O Bencomún do GdeB

Ben, xa sabemos o que Fraga pensa que se debe facer cos nacionalistas. Pero que pensará facer entón cos independentistas, algunhas fontes falan de métodos máis duros e exemplares.

O PP condena o franquismo, existen 2 Fragas, é Baltarín metrosexual ?

Rexencia e familia

 

A semán pasada parecía que os do PPdeG condenaban o franquismo xunto cos outros grupos, algo que sempre se negaban a facer, pero parecía normal despois de que abandoaran a cámara, cando Aymerich espetoulles que “viñan do franquismo”, supostamente non lles gustara. Pero pouco despois o vicesecretario de comunicación do PPdeXxxpaña, aseguraba que Núñez Feijóo e os seus se viran “forzados” por PSOE e BNG. Claro, por que entón quedarían mal, despois de putear o pobre Aymerich !

A VOLTA DO DR. FRAGA

O Lord Protector do GdeB

 

O Doutor “honoris causa” Manuel Fraga o sábado 30 en Soutomaior, nun acto dos populares, voltou subirse a tribuna de orador, e como nos ten afeitos viaxou no espacio e no tempo…

Despois de afirmar alí que os nacionalistas periféros, son traidores a Constitución e a España. Tamén tivo tempo de conceder unha entrevista a un diaro, na que recordou vellos tempos e o bo que era Franco: “Con Franco siempre era posible entenderse. A pesar de todo, era un hombre muy inteligente. Fue el primero que entendió que había que meter a la derecha en el redil democrático, que había que ponerse en el siglo XX y no se podía mirar atrás”

Tras mostrar a súa admiración polo dictador ea súa intelexencia, porque foi o primeiro en darse de conta diso (Ostia, como serían os outros, incluido o propio Don Manuel !). Non se descartan novos viaxes no espacio e no tempo, nos que o regreso dirá que con Franco se vivía mellor (Ou polo menos el), que o Partido Popular foi idea de Franco, que usar condón deixache cego, que Pinochet era un bo rapaz…

A NOVA CANCIÓN DE CENTRO

O Comité de saúde pública do GdeB

 

O Partido popular ven de celebrar o seu Congreso nacional en Valencia, eo noso representante local traenos a “boa nova centrista”, por aquelo de que o populares europeos deixaron de ser demócratas cristianos a ser demócratas de centro, pasando a ser o “centro” o novo concepto filosófico político que define o partido (…o centro de que ? Se así se cargan os lados). E todo a pesar dos puñais, as desercións dos últimos tempos, e oposición do sanedrín periodístico madrileño; consagrando a Rajoy como a indiscutible estrela da metafísica centrista.

Núñez Feijóo: “excelente boa nova para os cidadáns, nun tempo de malas noticias e un contexto de crise económica”.

Tamén o congreso permitiu reforzar a democracia interna, e permitir os militantes galegos decidir o presente eo futuro do partido. Que menos ! Tendo o PP en Galicia 100.000 militantes (PSOE=10.000,BNG=8.000), que son unhas cantas lexións e non sei cantos cohortes, pero que pasa ? Antes non eran decisivos 100.000 militantes, dos 750.000 totais ? Co que quedamos tranquilos con que o partido con máis galegos, estea gobernado con Fraga de ideólogo renovando o partido coas súas mozas ideas, e Mariano Rajoy de presidente.

FRAGA EO “BLACK POWER”

O Gurú do GdeB

Música ilustrativa do texto:

Don Manuel estos días e un dos grandes protagonistas da actualidade, grazas a unhas declaracións donde mostraba as súas preferenzas por Obama, candidato demócrata a presidencia dos USA, en prexucio do candidato republicano MacCain:

-¿Considera que sería una buena noticia que Obama saliera elegido presidente?

-Sí sería una buena noticia. A mí me alegraría.

-Pero tendrá usted más simpatías por McCain que por Obama.

-No, yo no tengo más simpatías por McCain. Yo soy de centro reformista, como Obama. Y además yo empecé antes que él.

Decontado varios seguidores de Fraga, o centrismo reformista do PP, e seguidores de Malcom X, construiron unha páxina para dar o apoio necesario, a unha candidatura de Don Manuel como candidato as eleccións de 2012 polo PP. A xente de Galicia, e máis concretamente os seus anteriores vellos seguidores, non saen da súa sorpresa, dende que o gran centinela de Vilalba deixou a Xunta e marchou pra capital. Pero a nós non nos sorprende dispoñíamos de datos da súa biografía, ata agora descoñecidos…por eso Fraga di na entrevista o de “Y además yo empecé antes que él”.

GALICIA 2025

A excelentísima rexencia

 

Día das letras galegas do 2025, o Presidente da Xunta, Francisco Cacharro “junior” de UPD repíte mandato. Desta vez non grazas o pacto co PP de Feijóo coma na anterior lexislatura, desta vez grazas o pacto co partido Centrista de Baltar “junior”e os seus poucos pero determinantes deputados, que dende este ano pasaría ser o Vicepresidente de Caciquismo e xuventude, porque el sempre defendeu que “el caciquismo es bueno”. Porase así en prática de novo o caciquismo do século XIX, que é o que os diferencia dos do bipartito que facían o do século XXI segundo o seu ilustre pai.

O homenaxeado este ano das letras galegas é Camilo José Cela, xa que dende se aprobara por UPD e PP o bilingüismo armónico, un ano adícase a autores galegos en castelán e outro a autores en lingua galega, a xente empezouno a ver ben xa que autores bos só en galego estaban a esgotarse, no 2024 se homexeou a Antón Losada !

O acto no obelisco de La Coruña asistirón: A súa viuva Marina Castaño, o Vicepresidente, o Papa Francisco Vázquez (creador dunha nova relixión que fusiona socialismo e xudeocristanismo, especie de aglicanismo español maioritario en Galicia e Andalucía) , eo Conselleiro de Cultura, que é o membro masculino de “Boney M” (Que baile se botou o día do seu nomeamento, os seus 80 anos ! Un dos mellores momentos da historia do autogoberno), que sí… que sempre viviu en Galicia dende o 2005.

O galego é unha lingua xa só falada polos habitantes-funcionarios de Santiago, xente de Ponferrada (por levar a contra a León) é recunchos afastados rurais onde só quedan xubililados de sobrenatural lonxevidade, pero prácticamente desapareceu das vilas e cidades por descontado.

Todo escomenzara dende que os pais tiveron que escoller entre galego e castelán, aló polo 2013 primeiro goberno de Feijóo. Como os pais dos rapaces ricos escollían castelán, xa que é o que se fala na casa e no clube hípico; e dado que os rapaces pobres a larga tiñan que marchar da aldea de gardas civiles, policías ou traballar para os ricos, os pais foron escollendo pouco a pouco a educación exclusiva en castelán para os seus fillos, para que fixeran mellor as oposicións ou para que se pudideran colocar dos negocios dos casteláns falantes, aquí no noso país.

O CASTRISMO

A Rexencia ( Musiquiña pro texto*)

Os castros segundo a definición de López Cuevillas (1954) son “ recintos fortificados, de forma oval ou circular, provisto dun ou varios muros concéntricos, precedidos xeralmente do seu corresponde foxo , e situados, os máis deles, no cume de outeiros ou montañas”. O castro é polo tanto un espazo defensivo, como testemuña a presenza de muros e foxos pero tamén un lugar de residencia, o primeiro tipo de arquitectura estable de tipo doméstico e non funerario que existiu na historia de Galicia.

Entón o castrismo, non é outra cousa que a forma de vida dos castros, esta forma de vida nada en Galicia se caracteriza polo carácter defensivo e pechado das súas sociedas. Antigamente os castristas se subían o máis alto dun monte e facían uns muros do mellor xeito que podían para dende ahí destruir o inimigo imperialista, pero xa a mediados do século XX viron as posibilidades que podía ter crear as súas sociedades nunha illa, xa que logo os meirandes castros tiñan foxos con auga; e inda máis adiante as que podía dar un urbanismo salvaxe e sen senso, como estructura defensiva contra os de fóra como no caso de Ponteareas que foron do castro os Castro.               

Outra das carácteristicas importante é que se trata de sociedades tribais e guerreiras, gobernadadas por os chamados xefes o líderes que normalmente se escollen entre os máis vellos é expertos.