Canto vale o traballo dun creativo ?

O creativo do GdeB

Nesta nova o novo conselleiro de cultura propón deixar atrás o logotipo do Xacobeo do Bipartito, e voltar o anterior:

Home pois ten razón…Pero o peor non é iso…Quen carallo lle pagou alguén por darlle a volta o logotipo da Conferencia de empresarios de Ourense, e trocarlle as cores ?

Por unha cultura acorde a nosa xenética !

Moi Xordo

Un estudo elaborado polo Laboratorio de Antropoloxía da Facultade de Bioloxía da Universidade de Santiago, en colaboración coa de Vigo, confirma que os galegos teñen xenes máis afíns os húngaros, franceses ou alemáns que cos andaluces ou vascos. Unha boa nova que servirá pra pechar vellos debates, e nos ensinará o camiño a seguir no futuro o pobo galego.

Agora grazas a este traballo, pódese por fin as polémicas de Nadal, na casa dos Alonso: Alonso Montero e “Cuchús” Pimentel. Tería que ser duro ter un pai, que é un recoñecido autor e profesor de literatura galega, mentres se facía un guitarrista clásico e flamenco.

Pero agora a paz chegou a casa, xa que “Cuchús” sempre defendeu que o flamenco era unha música máis próxima a Galicia, que o folk ou a música das bandas de gaitas escocesas, co que o flamenco podía ser tan galego ou  máis que esos estilos. Pois hala ! Nin o un, nin o outro; como moito poidera ser que o noso fóra a música cíngara, pero estos teñen pouco de húngaros…

Entón tendo en conta os escasos éxitos do sector musical galego, a nivel estatal e internacional, cheguei a conclusión de que debemos de alonxarnos de intentar acadar, esa desexada nación cultural celta, que tantos éxitos económicos e comerciais produce a nosa irmá atlántica Irlanda. O futuro cultural deberá xirar no futuro noutros vieiros artísticos, máis próximos a nosa herdanza xenética ( Semellante a alemana, francesa e húngara), xa que ahí estarán os nosos agochados talentos naturais:

Empalar independentistas !

O Bencomún do GdeB

Ben, xa sabemos o que Fraga pensa que se debe facer cos nacionalistas. Pero que pensará facer entón cos independentistas, algunhas fontes falan de métodos máis duros e exemplares.

Subvencións e pornografía en Lugo.

O Lord protector do GdeB

A concelleira do grupo municipal do BNG de Lugo, Paz Abraira, o parecer volta a protagonizar un capítulo de loita contra a explotación da muller ea igualdade, ou contra tratar as mulleres coma obxetos, ou os obxetos como mulleres…

O caso e que depois do tema polémico da caravana de Cervantes, onde aseguraba que a visita dunhas mulleres nun autobús, o pequeno concello, era “tratar as mulleres coma gando”. Agora denunciou a subvención dunha empresa luguesa adicada os servizos informáticos e de internet, por parte do Concello, asegurando que ten como actividade “a promoción da prostitución en Lugo“. A coitada empresa que non quere competir coa mafia búlgara, sacou un comunicado aclarando que só adicase, o diseño de páxinas “web” e servizos informáticos.

Vendo o éxito ea claridade desta política, a hora de buscar inxustizas e denuncialas, só nos queda animala a facer unha denuncia que chegue dunha vez a sociedade, e remate así coa verdadeira explotación da muller, que prodúcese con mellor éxito nos clubes de alterne que poblan a nosa terra, e nos xornais mellor subvencionados de toda Galicia. Ou é que Paz non decatouse dos bares luminosos conducindo pola noite, nin das páxinas do medio dos xornais, será porque están en castelán ?

Pero non pasa nada, pra iso xa estamos nós, e grazas o noso coñecemento diario e puntual da actualidade, suxerímoslle a nosa concelleira favorita, que secuestre a Anxo Quintana na Vicepresidencia de Benestar, que adícase os temas estos de familia, muller e xuventude. E reclame a presencia de Ana Rosa Quintana (Por ter unha maior repercusión mediática, e ser o estilo lugués), para liberar o seu líder e que rematen estas verdadeiras inxustizas.

A Victoria de Obama na prensa galega

O Demócrata do GdeB

La Voz de Galicia:

-Entrevista o galego que vive en Kenia, veciño dunha prima, da avoa de Barak Obama.

–Análise de Barreiro Rivas: “Obama non trouxo o cambio, o cambio o trouxo a el; o que eu sempre dixen !”

El Pais:

-Declaración do Presidente da Xunta: “Agardo que as relacións cos EE.UU. milloren, produzase unha rucuperación da economía, e que suproña o cricimiento do emprego”

Faro de Vigo:

-Declaracións do Vicepresidente do Celta:”O proceso concursal sigue a bo ritmo, e agardemos que co cambio tamén cheguen pronto os resultados”

A Nosa Terra:

– O vicepresidente da Xunta Anxo Quintana considerou a vitoria coma o triunfo da “política con ideas, a política ao servizo da xente“. Neste sentido, apostou por trasladar esta máxima a Galiza: “Os galegos temos que dicirnos a nós mesmos: nós si podemos”.

El Correo gallego:

–O Efecto Obama ilusiona a Galicia: Axentes sociais e políticos coinciden en que actuará de revulsivo para sair da crise, e así poder continuar as obras da Cidade da cultura.

La Opinión:

-Francisco Vázquez beneficiase da victoria de Obama, invertindo o que gañou apostando en internet polo candidato demócrata, no concurso eólico.

La Región:

-Baltar alédase da victoria de Obama, e di que si el quere, que está feito o da actuación da banda de gaitas da deputación, na súa toma de posesión.

El Progreso:

–Declaracións de Orozco: “A victoria de Obama, éncheme de ledicia, e coido que é unha victoria, da palabra, a razón, a tolerancia, a humanidade, a filosofía, o senso común, a fraternidade, a solidariedade, a poesía, a natureza, a paz, a liberdade, a igualdade, a sabiduría, a vontade, o electroshock, as armas nucleares, a promiscuidade…”

CURIOSAS OFERTAS

O Lord protector do GdeB

 

O presidente do partido “pop” galego ofrece o seu apoio o goberno da Xunta, pra crear unha postura común sobre financiamento autonómico, voto emigrante e infraestructuras. Todo isto despois de dicir, que a cuestión do financiamento é unha competición absurda iniciada polo PSOE, que para o voto emigrante non hai escusas e sobra o tempo, non como asegura Touriño, e que ZP non veu a Galicia a aportar nada coa súa visita as obras do AVE.

                                               Comezo dunha xenerosidade mutua ?

Tamén Quintana ofrece o seu apoio eo dos amigos os socialistas, máis concretamente pon enrriba da mesa a colaboración de Galeuscat, como apoio sólido para non afrontar a crise en solitario. Pero para rematar di que o BNG non votará a favor dos presupostos xerais do próximo ano, por que Zapatero incumpliu as promesas feitas a Galiza, e goberna como se tivera maioría absoluta.

FRAGA EO “BLACK POWER”

O Gurú do GdeB

Música ilustrativa do texto:

Don Manuel estos días e un dos grandes protagonistas da actualidade, grazas a unhas declaracións donde mostraba as súas preferenzas por Obama, candidato demócrata a presidencia dos USA, en prexucio do candidato republicano MacCain:

-¿Considera que sería una buena noticia que Obama saliera elegido presidente?

-Sí sería una buena noticia. A mí me alegraría.

-Pero tendrá usted más simpatías por McCain que por Obama.

-No, yo no tengo más simpatías por McCain. Yo soy de centro reformista, como Obama. Y además yo empecé antes que él.

Decontado varios seguidores de Fraga, o centrismo reformista do PP, e seguidores de Malcom X, construiron unha páxina para dar o apoio necesario, a unha candidatura de Don Manuel como candidato as eleccións de 2012 polo PP. A xente de Galicia, e máis concretamente os seus anteriores vellos seguidores, non saen da súa sorpresa, dende que o gran centinela de Vilalba deixou a Xunta e marchou pra capital. Pero a nós non nos sorprende dispoñíamos de datos da súa biografía, ata agora descoñecidos…por eso Fraga di na entrevista o de “Y además yo empecé antes que él”.

VISIÓN TEATRAL DA POLÍTICA GALEGA (Polo noso mellor actor dos 80)

O Rexente do GdeB 

 

A guerra dos artigos de prensa está aberta: Despois de “Nervios” de Aymerich para “A nosa terra” dende Vigo, temos o contrataque coruño con “Visión teatral de la política gallega” de Barreiro Rivas para “La voz de Galicia” dende Coruña, e en castelán. A polémica témola por que Barreiro propón neste artigo, que o BNG pacte co PP para que Galicia se libre da maioría asobaiadora dos 25 deputados socialistas. Hai Barreiro ! Como votas de menos selo protagonista, que tempos aqueles que saíches de AP para formar o tripartito co…PSOE !

A simple vista vense unhas importantes diferenzas conceptuais e estilisticas dos dous artigos, supoño que terán a súa orixe nas diferecias ideolóxicas, que gobernan os nosos políticos: Nacionalismo progresista e Galeguismo conservador, suponse ? A cuestión a que me refiro é que se Aymerich, escribía pouco pero decía moito, Barreiro escribe moito é di pouco. Está claro que o seu é a televisión…Como ? E que non seguíades o seu éxito televisivo “Volver o Rego”...Como ? Nin o día que foi Fernández Albor (Si, esta vivo)…Vaia !

                    (Foto na sede da Voz, observade o que pon no cartaz do fondo)

Agora fagamos unha rápida análise do texto, que como apuntaba antes poderíase resumir en poucas frases:

QUEN IMOS VOTAR

O negro do GdeB

O Galpón de Breogán actuará desta vez coma servizo público, co obxetivo de que coñezamos mellor os candidatos as eleccións xerais de cada unha das nosas provincias nestes días de reflexión:

A CORUÑA

 O número 1 pola provincia da Coruña é este home con aspecto de Papa Noel, con pinta de non matar unha mosca na vida ( como moito unhas lagostas e centolos vivos nalgún restaurante ); e o único que sei del é que foi portavoz do PP no grupo municipal da Coruña en pleno “Paco Vazquismo” ( un traballo da ostia ), e que parece ser que repite. Pero…este home encabezando a lista só se trata dunha maniobra perfeutamente estudada por Rajoy, para non ser eclipsado a súa volta a Galicia trala súa previsible derrota. Porque de número 2 temos unha das grandes inspiracións do GdeB e Galicia enteira: O católico maoísta e campión de natación Conde Roa; todo coma premio o seu éxito nas pasadas municipais onde acadou algo impensable ata agora, superar a grandes dinosauros da política como Bugallo e Néstor Rego. Pero o número 3 tamén e alguén que pode ameazar ese liderato a Rajoy, e se trata do home ese con pinta de director de banca, que era delegado do goberno na catástrofe dos “hilillos de plashtilina”: Fernández de Mesa, todo un exemplo de reconversión do naval de Ferrol de enxeñeiro a deputado. Nunca máis esqueceremos o seu engominado cabelo cano, e máis a súa cara de poker cando explicaba o seu carón algún Ministro iluminado que o tema “estaba controlado”… esos whiskis na praza de María Pita tíñalos merecidos sí Señor ! Tamén volta o PP nestas listas o famoso alcalde franquista de Sada, “Moncho es Mucho”, futuro substituto natural de Martínez Pujalte ?

Se nesta provincia o PP presenta 2 ases agochados tras unha J, o PSOE se xoga todo a unha carta: O Ministro de Cultura César Antonio Molina, melena salvaxe e mirada de conquistador ( algunha señora vaise a trabucar ) que é un posto moi importante nun estado tan cultural coma España, e por eso sempre estiveron os mellores nel (  bueno o segundo non foi ministro pero se o PP ou o PSOE nomeárano, que importaría ? ):

De número 1 pola provincia non repetirá desta vez Francisco Rodríguez, o líder na sombra da UPG, no seu lugar presentarase a sombra do líder na sombra: Fracisco Jorquera. No é de estrañar que propuxesen cambiar o uso horario galego, non ven mal un pouco de luz con tantas sombras.

LUGO

De número 1 por Lugo temos como no caso de Coruña, o actual portavoz do grupo municipal do Concello e ex-alcalde. Que pinta de bó rapaz parece o irmán bo de Jose Luis Moreno ! Pero o dato importante aquí é que o ex-aspirante a Delfín de Fraga, Barreiro presentase de número 1 o Senado seguindo así os pasos do seu predecesor Cacharro Pardo, o comezo da reconquista ? Ou é que se vota a correr do PPdeG ?

O primeiro da clase do PSOE en Lugo é de sobra coñecido: Pepiño Blanco, home empregado pra os chistes de media España e… que é o peor, ata Acebes faille chistes sobor da súa intelixencia. Pero hai que rendirse os feitos, este home fixo que todo Lugo cambiase de relixión en 4 anos, que lles dará el e o seu representante local Richi Varela?

Un bo partido

Por Frouxeira

Traballadores do mundo (e de Galiza, en particular): SEDUCÍDEA!!!!!

(Marta Ortega, vicepresidenta das sociedades Gartler e Partler, compañías propietarias do 50,01% e do 9,3% do grupo Inditex, respectivamente)